Armed robbery shocks Prilep, attackers injured female jewelry store owner

– Вооружен грабеж во златарница во Старата прилепска чаршија – АМАТЕРСКА СНИМКА Три, засега се уште непознати и недостапни лица за Полицијата, утринава околу 8.30 ч. извршиле вооружен грабеж во Златарница во срцето на Старата прилепска чаршија. Во моментот на грабежот, во Златарницата била само сопственичката која штотуку го отворила дуќанот и од сефот го вадела златото. Неофицијално, напаѓачите, наидувајќи на заклучена врата од внатрешната страна, испукале два куршуми, со едниот кршејќи го стаклото од вратата, а со другиот ја провалиле бравата, велат очевидци од соседните дуќани, кои не сакаа да зборуваат во камера, бидејќи, како што појаснија и самите, и тие добиле закани по животот кога се обиделе да го спречат грабежот. Крадците, искористувајќи го шокот и стравот на сопственичката која и ја повредиле, за само неколку минути успеале да го испразнат сефот и веднаш се упатиле кон претходно паркираното возило во близина на златарницата, кое неофицијално, било со гостиварски регистарски таблички. Поделени се информациите на очевидците дали напаѓачите биле маскирани или не. Веднаш е известена Полицијата, од каде само ни ја потврдија информацијата, не соопштувајќи никави детали. Инаку, ова е втор грабеж во раните утринските часови во Прилеп за период од само десетина дена. На 13 –ти месецов, околу 08.10 часот, 35-годишниот прилепчанец со иницијали А.В., во Пошта на булеварот „Гоце Делчев“ во центарот на градот, извршил разбојништво со дрвена палка, при што го повредил поштенскиот службеник и успеал да одземе 35.600 денари. Напаѓачот е пронајден по неколку дена и од страна на судија од Основен суд Прилеп одредена му е мерка притвор од 30 дена.

Gepostet von Karolina Durlo am Dienstag, 25. Dezember 2018